囍帖街

唔係無聊寫歌詞...但真係好正!!!
wyman愛死您 !!!!


囍帖街

忘掉種過的花 重新的出發 放棄理想吧
別再看 塵封的喜帖 你正在要搬家
築得起 人應該接受 都有日倒下
其實沒有一種安穩快樂 永遠也不差....

就似這一區 曾經稱得上 美滿甲天下
但霎眼 全街的單位 快要住滿烏鴉
好景不會每日常在 天梯不可只往上爬
愛的人 沒有一生一世嗎? 大概不需要害怕....

忘掉愛過的他 當初的喜帖金箔印著那位他
裱起婚紗照那道牆及一切美麗舊年華 明日同步拆下
忘掉有過的家 小餐枱沙發雪櫃及兩份紅茶
溫馨的光境不過借出到期拿回嗎? 等不到下一代 是嗎..?

忘掉砌過的沙 回憶的堡壘 刹那已倒下
面對這 墳起的荒土 你註定學會瀟灑
階磚不會拒絕磨蝕 窗花不可幽禁落霞
有感情 就會一生一世嗎? 又再惋惜有用嗎..?

忘掉愛過的他 當初的喜帖金箔印著那位他
裱起婚紗照那道牆及一切美麗舊年華 明日同步拆下
忘掉有過的家 小餐枱沙發雪櫃及兩份紅茶
溫馨的光境不過借出到期拿回嗎?

終須會時辰到 別怕 請放下手裡那鎖匙 好嗎..?

生日快樂

昨晚廿八號和朱朱去了一間日式烤肉店--和宴--,頗值得向大家推介的唷!!
點了一個拼盤(有特選牛肉啦,仲有一款唔知乜牛肉啦,超級好味既牛舌啦,同埋鱈場蟹腳)和牛里脊(唔知乜東東,不過都好好食!!)朱朱仲點多個白飯黎"送"tim~係日本珍珠米喔,正!!







我冇點到白飯,但都已經食到"漏漏地"...可能係啲牛肉同牛舌都好肥美吓....但朱朱話想試吓啲冷面,睇吓有冇魚珈旨咁正,咁就order左一碗,個waiter好貼心地提議幫我地分開兩碗上,相中呢個係share左既其中一碗....都好大碗囉...!!!另外可能唔係我地想像中既乾身嗰一種, 所以覺得.....ok啦!!














今天二十九號 ~~生日快樂!!!

生日早上第一個貓樣.....

生日望向窗外的第一個早上....








生日早上第一個美味早餐....i'm loving it!!!








生日早上收到第一個sms.....法蘭西斯傳給我的~

生日早上收到第一個voice mail留言...法蘭西斯留給我的~

生日早上收到第一個birthday kixx....朱朱獻給我的~

生日早上收到第一個噪音.....是屋企樓上賜給我的~
好嘈呀~~~!!!!!!!!!!!

貪靚的代價..價...價....

上次去做facial嫌佢幫我右邊既眼睫毛電得唔夠強勁...冇乜力水咁~琴日再去做facial時,阿靚姐好樂意咁主動話同我補電......點知.....

我唔要曱甴腳睫毛呀~!!!!!!!!!!!!!

dear holiday...悄悄地離我遠去..遠去...去....

剛剛又放完一個禮拜假, 今日首天返工既感覺就好似叫我去死咁樣....好慘呀!!!今年冇哂假啦~冇哂假啦~咁點算呀!!??

成個假期又係行行企企咁...冇乜貢獻...!!有人話同我去旅行既,點知最後冇去到....諗住去"馬交"行個白鴿轉啦....臨尾都係去唔成...唔開心~!!

假期尾埋單計數,淨係去左深圳陪人地睇磚睇地板睇浴缸睇屎塔..........人地年尾會搬去美孚新邨喇,希望到時各兄弟姊妹會有多啲gathering啦...(人地搬去咋嘛..又唔係我搬去...超!)

祝您健康!!

經過一個禮拜既辛勞同埋擔驚受怕...今日開始總算生理上同心理上都可以放鬆一下.....真~係~好~攰~呀~~!!!!!!!!!

好彩同公司拎多左日假, 聽日都可以hea吓(希望可以)....

經此一役後, 當然希望媽媽身體健康落去啦....相信以後均衡健康既飲食同生活都不可少, 這些老掉牙既說話常常響在耳邊, 但從來都冇想過要真切咁去實行.....同家姐都認真地商量過, 較可行既方法就係要家姐搬返出黎沙田區住, 咁就可以吩咐佢個"印印"日日煲湯煮飯,有啖好食....況且家姐都想離開元朗呢個鄉下生活好耐架啦...希望可以快快手, 順順利利搞掂佢, 等我都有啖好飯可以食吓..hehee!!

健康真係唔係垂手可得, 唔係你以為正正常常, 唔成舊豬油膏食落口,唔餐餐麥當勞就會冇事....其實仲要俾啲心机去選擇啲健康清淡既野食.........

唉....講就咁講, 琴晚喺e院探完媽媽後, 就同家姐去左鋸扒............死未!!?

優閒星期天...

星期天和媽媽到觀塘apm閒逛,在商場內擁來擠去下,好不容易找到個愜意舒適既地方--suzuki cafe--
銅鑼灣和旺角既分店我都有到過,但估不到要數環境舒滿意度最高的,就要數觀塘這間了...在和暖既陽光襯托下,頓然像置身於東京代官山的時尚cafe中....(其實我未去過代官山囉...hehee^__^)望著窗外遊人如鯽既街道,而我則攤臥在軟綿綿既梳化中....... c 服 !!!








和媽媽各自order了tea set,個menu影得啲相好靚架...搞到我不知几難選擇,但"真身"送到之後...有點兒失望囉!!不過都ok啦,啲野食都几新鮮!!^o^~










我就點左呢個冷麵tea set,味道不錯!!

廣州萬里行

剛剛過左既禮拜日, 同朱朱去左廣州痛苦一日遊....去片!!

晨咁早八點鐘就扑起身,飛快地梳洗一輪後,就同佢坐巴士到上水火車站..一到達火車站,已見週遭環境不妙 -- 個個一家大細三袋四袋咁搬屋搬廠搬寫字樓......都ok啦~幸好車廂裏面都未至於要到蘿柚貼蘿柚既境地....話咁快到左羅湖火車站.........衝呀!!!個個好似做左短跑好手咁,我地都唔想跑架,但唔跑真係俾後面啲車仔碌死冇命賠.......run!run!!run!!!

過到香港海關真係快捷便利喎,皆因有個"e道"嘛!!但其實我每次搭飛機過"e道"既時候都非常緊張,因為三次著左兩次,我印個手指公落去scan既時候都係唔成功既...!!搞到一碌木咁企响度,向後行又唔係,向前行又唔得...要等阿海關哥哥特登走過黎用人手check黎俾我過...真老土!!不過今次非常咁開心,出境&入境都好順利~^o^~跟住就同朱朱到深圳轉搭"和諧號"列車到廣州火車站勒~let's go!!

上到呢個"和諧號"列車裏面,又確係几思服喎!!可能架車都仲係几新淨啦~不過個車廂廁所係"踎廁"....oh no!!好彩成程車都唔急急啫!! ^3^...

不過其實上車之前都有段小插曲架...我地原本應該要搭既係廣州火車站總站既車,但買票時條茂利就發左兩張往"廣州東站"既票俾我地...到排隊上車時才發覺!好彩經過一小時既車程,到左總站再轉地鐵,都好快就到左我地既目的地 -- 海珠廣場站 --

到達左目的地後,就展開左當日既"公益金百萬行"勒 -- 整個區都係各式各樣既物品批發,食得既又有..唔食得既又有..總之睇到我眼花撩亂啦.....但當然所有野都係得個"睇"字,完全挑唔起我原始野性既購買慾望.....zzzz

行呀..行呀...行呀.......硬係行極都似行唔完咁...酷熱既天氣下,就好似在沙漠中漫行......唉..朱朱仲暗示話我唔捱得.....呢趟真係好sim做壞樹囉.....~~

終於捱到大約七點左右,完成左今趟既旅程!!可用四字形容 -- 悲喜交集!! 悲既當然係行極都行唔完既大街小巷,太陽乾煎下既生理同心理都絶不好受.....喜既當然係朱朱處處發揮大男人既本色,對我照顧有加...抵錫!!