元朗探B一日遊

昨晚同朱朱去山林道"老趙"食越南菜, 去到冷清清...同以前長長人龍既境況相差甚遠...死唔信邪, 入去再"試試"佢先...果然冇以前咁好食, 尤其呢碟"牛柳粒炒紅飯"..簡直令人失望..仲要盛惠$85..不過見你賣相咁"靚仔"..俾面你同你影幅靚相啦!!
今日sunday去元朗飲完茶, 跟手扑入去圍村探我家姐同bb...每次入到元朗都會令我好沮喪, 因為我相信呢個地方, 無論我呢世女去過几多次都會認唔到路, 迷失方向的....算把啦!!
去到家姐屋企, bb真係好得意呀!! 雖然成鬼日掛住訓, 我就成日撩佢個咀..搣佢塊面..同埋試圖將佢"反轉再反轉"...佢都無動於衷!! 不過佢訓覺既時候都表情多多, 成日喺度"沐"住個咀, Q爆!! \^o^/至於見到我家姐佢精神唔錯丫!! 但把聲就好似唔多開心..冇神冇氣咁...佢都話自己情緒都唔多好, 成日都屈住屈住..唔知點解好唔開心咁...莫非呢啲就係傳說中既"產後抑鬱症"...!?? 我同媽媽都叫佢唔好諗咁多野..輕鬆啲...應該係個好短既過渡時期黎架啫..希望佢快啲變返我以前嗰個精靈活潑可愛既家姐啦!!! ^o^~

"伊莎貝拉"兩日一夜之旅...go~go~go~!!

之前計劃了的"朱朱& friends"14-15號澳門兩日之旅~~~let's go!! ^o^
中午時份坐船..到達馬交時一點左右...排隊入境既情況,簡直係"情陷大馬交"(自由行x港人crossover version) !!!足足排左兩個鐘先出到去搵阿何生.....唉.......事不宜遲~到酒店黎個斷背check in,擺低行李先~! ^o^

由於事前都冇特別計劃行程, 放低行李後就漫無目的咁週圍閒逛勒...向大家推介既有澳門文化中心--藝術館, 其外觀除了揉合左有朱朱朋友所形容既摩登建築概念外, 內裏亦有一啲膚淺如我都覺得好好睇既藝術展覽, 加上毗鄰就係金光閃閃既"金沙"賭場, 做完文化人再去做賭仔 -- 一樂也!!!

今次兩日一夜之旅, 行程雖然短促, 但都非常之開心, 朱朱~多謝您!!^o^~

順便幫"伊莎貝拉"宣傳吓先!!! 我都有喺呢條巷影相呀, 但冇影得海報咁好睇囉...

(p.s. 今晩剛剛睇完, 好好睇呀!!)

4月15日 9:25pm ~ 一個巨B的誕生!!!

嘩嘩嘩~!!! 我家姐既可愛BB終於出世啦~!!!!!! ^o^~
實在太開心喇!! 呢"舊"可愛BB仔有成八磅重, 家姐痛苦左差不多廿零三十個鐘之後先要決定開刀....搞到我家姐咁辛苦, 希望BB大個聽聽話話, 錫我家姐多啲啦~!! ^.^~
BB真係好得意呀!! 成日手郁郁咁,又托住個頭仔喎...咁細個就學人咁多野諗...? 仲有條漫長既路等你慢慢行,慢慢諗呀細路...哈哈哈!!!
衷心祝福我家姐 -- 姐夫錫佢多啲! BB又錫佢多啲!! 祝佢永遠幸幸福福, 快快樂樂!!!

"Hasheeme"版Moncchichi ar!!!
我黎喇~!!!!我一定要得到你~!!!!!!)))))))

salute to.....

死火~大前日都唔記得懷念哥哥tim....在我幼,小,中學春情泛濫既學生時代,心中的男生偶像可謂多不勝數...有維持一個月的...有維持數日的...有維持兩小時的....到現在回想過去..哥哥一定是我一生中最愛的偶像,既不可忘記..又不可取替的....還記得小學時代和姊姊兩個在家裏玩無聊的"角色扮演"遊戲, 永遠都是姊姊爭著哥哥做她的"男朋友",而我總是只可以選擇許冠傑做我男友仔...許冠傑...?點解會係阿豹紋sam既...?天呀~~~~!!!!
哥哥悄悄地已離開了三個年頭...擁有璀璨人生亦要選擇以自殺作結...平凡如我們又有否想過,是什麼支撐著我們往後要走既路呢....?

呃人..呃自己..呃人..呃自己..呃人..呃自己.....

明明唔係唔鍾意你咁樣...但又常常責怪你咁樣樣...究竟我係喺度呃緊人..定係喺度呃緊自己.....?