優閒星期天...

星期天和媽媽到觀塘apm閒逛,在商場內擁來擠去下,好不容易找到個愜意舒適既地方--suzuki cafe--
銅鑼灣和旺角既分店我都有到過,但估不到要數環境舒滿意度最高的,就要數觀塘這間了...在和暖既陽光襯托下,頓然像置身於東京代官山的時尚cafe中....(其實我未去過代官山囉...hehee^__^)望著窗外遊人如鯽既街道,而我則攤臥在軟綿綿既梳化中....... c 服 !!!








和媽媽各自order了tea set,個menu影得啲相好靚架...搞到我不知几難選擇,但"真身"送到之後...有點兒失望囉!!不過都ok啦,啲野食都几新鮮!!^o^~










我就點左呢個冷麵tea set,味道不錯!!

廣州萬里行

剛剛過左既禮拜日, 同朱朱去左廣州痛苦一日遊....去片!!

晨咁早八點鐘就扑起身,飛快地梳洗一輪後,就同佢坐巴士到上水火車站..一到達火車站,已見週遭環境不妙 -- 個個一家大細三袋四袋咁搬屋搬廠搬寫字樓......都ok啦~幸好車廂裏面都未至於要到蘿柚貼蘿柚既境地....話咁快到左羅湖火車站.........衝呀!!!個個好似做左短跑好手咁,我地都唔想跑架,但唔跑真係俾後面啲車仔碌死冇命賠.......run!run!!run!!!

過到香港海關真係快捷便利喎,皆因有個"e道"嘛!!但其實我每次搭飛機過"e道"既時候都非常緊張,因為三次著左兩次,我印個手指公落去scan既時候都係唔成功既...!!搞到一碌木咁企响度,向後行又唔係,向前行又唔得...要等阿海關哥哥特登走過黎用人手check黎俾我過...真老土!!不過今次非常咁開心,出境&入境都好順利~^o^~跟住就同朱朱到深圳轉搭"和諧號"列車到廣州火車站勒~let's go!!

上到呢個"和諧號"列車裏面,又確係几思服喎!!可能架車都仲係几新淨啦~不過個車廂廁所係"踎廁"....oh no!!好彩成程車都唔急急啫!! ^3^...

不過其實上車之前都有段小插曲架...我地原本應該要搭既係廣州火車站總站既車,但買票時條茂利就發左兩張往"廣州東站"既票俾我地...到排隊上車時才發覺!好彩經過一小時既車程,到左總站再轉地鐵,都好快就到左我地既目的地 -- 海珠廣場站 --

到達左目的地後,就展開左當日既"公益金百萬行"勒 -- 整個區都係各式各樣既物品批發,食得既又有..唔食得既又有..總之睇到我眼花撩亂啦.....但當然所有野都係得個"睇"字,完全挑唔起我原始野性既購買慾望.....zzzz

行呀..行呀...行呀.......硬係行極都似行唔完咁...酷熱既天氣下,就好似在沙漠中漫行......唉..朱朱仲暗示話我唔捱得.....呢趟真係好sim做壞樹囉.....~~

終於捱到大約七點左右,完成左今趟既旅程!!可用四字形容 -- 悲喜交集!! 悲既當然係行極都行唔完既大街小巷,太陽乾煎下既生理同心理都絶不好受.....喜既當然係朱朱處處發揮大男人既本色,對我照顧有加...抵錫!!

行街街

今日行左成日街街, 行到腳仔都軟埋, 見去過啲新地方, 就同各位有街唔願出, 想出又冇得出既 sisters(請對號入座,haha!) 報告吓啲新資訊啦!! \^o^/

一開波就"貢"左去又一城, 朱朱話想去新開張既uniqlo逛吓, 入到去當然又係咁人山人海啦....啲衫褲鞋襪當然又係咁俾人摷到垃圾站咁啦....排隊俾錢既人龍當然又係咁水蛇春既長啦...見朱朱都冇野睇啱,咁我就連夾硬揀中既兩條底底都放返低,費事同啲人癲...下次再買!!hehee!!


跟住去左老麥醫肚,喺又一城既老麥又係確不同,曉著燈既高枱同埋几盞水晶燈既裝飾,格調都高級起來,仲有啲野食都覺得零舍新鮮好味啲架!!^o^~食飽飽行經冰場既時候,見到几隻活潑又可愛既公仔喺度踩冰~~~係mcmug同佢啲朋友仔呀!超kawai呢!!!見佢地喺度兜圈同跳舞,可愛到呢...就咁又tum到我同朱朱狂笑左几分鐘~真係好cute!!!本來影左幅相想即刻send俾阿珈睇吓,但唔知點解send黎send去都唔得,真失敗!!



正當諗住撤退又一城時,見到正裝修既舖頭圍住"H&M"既圍板,卒之殺到過黎九龍...唔知几時開張大吉呢?

我地然後向住九龍灣megabox出發, 出到地鐵站, 見個路牌話行去都行得到,咪姑且試吓囉...估唔到又真係冇老點,行左十分鐘都冇就見到座紅野,見到附近馬路又"楝"哂雪糕筒,又警車又"盛"咁維持秩序...真巴閉!!香港人新屎坑又一見証!!(我都係見証既一份子,呵呵 ^o^)

入面其實面積几大,但個設計又啲似朗豪坊咁,電梯又多到死,間格又迫迫夾夾咁...一啲都唔好行,再細心啲睇吓啲用色裝修呀咁....好核突好cheap囉..!!有啲舖頭都未開張,舖頭牌子亦唔覺吸引...行吓見有間IMAX影院,上映緊哈利波特3D版, 想買飛睇吓有几特別啦....對不起,全院滿座...!!

見嗰間大型傢具店B&Q賣廣告賣到咁"行",姑且入去睇吓咩料啦.....嘩!!好似行緊大形版"實惠"咁!!都有兩parts值得欣賞既...啲浴室設備同廚具設備有啲都好靚同特別,浴缸屎塔都有几十款俾你揀!!睇得我同朱朱都好興奮!!

連續呢兩個sunday朱朱都好似鄉下仔出"醒"咁,係咁話要行呢度,行嗰度,黎緊個禮拜又話要上廣州陪佢去行吓啲批發市場tim呀!!!唔知有咩大茶飯想做呢?