祝你生日快樂

10月29號就係小女子既生日, 終於第一次俾人叫我做"中女"喇~~!!
蛇哥, 我記住你~~!!!!!!!!!!!!!!!

同朱朱一起身就梗係諗住要醫肚啦!! 不期然我地兩個都諗不如去觀塘apm食mos burger啦!出發!!!
一去到foodcourt己經差不多兩點九個字, 見到mos burger個counter都係得几個人排隊咋喎,諗住得米!!慢慢去睇吓個menu有乜好野食先....施施然行去counter度想買野食, 俾個四眼肥仔好有禮貌地"盤"我:[小姐, 想買野食呀? mos burger己經兩點半截止排隊喇, 四點開始再排過啦!!] 我地兩個真係登時企喺度,唔識郁...........想食個包啫..唔駛咁呀.....我地最後商量左兩分鐘....決定..........等!!

我地由三點左右坐喺foodcourt呆等到三點九個字度, 發覺唔對路,開始有人龍勒!!朱朱二話不說就衝左出去開始左佢既長征.......我就繼續坐喺度霸住個靚位, 遙望住朱朱期待幫我買包既身影.....好sweet啊........呵~呵~呵~!!!

經過漫長既等待, 卒之四點半才開始售票, 我地最後買左個mos cheese burger 餐(餐飲竟然有得跟菜湯, 正~個菜湯亦非一般馬虎之作!)同埋另加香港限定既帶子天婦羅rice burger, 個包係好軟熟既, rice burger個味亦調教得不錯, 再加上朱朱幫我排左四十五分鐘既感動長龍, 呢餐絶對係誠意之作~~一百分!!! ^o^~~

濕滞公園, 到此一遊

16號禮拜一同朱朱& family去濕地公園, 呼吸大自然既空氣, 座building真係好靚, 抵佢拎個大獎..!!!好彩個太陽冇兜頭晒落黎, 若果唔係都行得几辛苦, 皆因地方比想像中的大, 但啲雀鳥則比想像中的少囉.....係咁易望到几隻野飛吓, 沙田城門河差啲仲多過佢....貝貝又匿埋唔肯見人喎.....不過總括黎講都係玩得好開心既~因為有朱朱陪我去丫嘛.....呵呵呵!!!! \^o^/~











大門口都非常漂亮架, 可惜個view拎唔哂.









朱朱細佬& mummy....公園裏面有一個我相信係全港最靚view既大家樂tim~








嘩....几靚!!!!






座building真係好靚架.........但唔知點解影得唔靚咋嘛.......


我懷疑可能俾個人搶左鏡........

藉著中秋說愛你

哈哈哈...又到我最鍾意既--中秋節啦!!! 唔知點解又細到大,一聽到中秋節就好開心架勒, 覺得好warm~!!!以前細細過最鍾意拉住個白兔臘紙燈籠(嗰隻正確黎講係"紅兔"先啱), 喺屋企樓下點到成地都係爉燭..點完又吹熄佢..熄左又點返著佢....真係唔明當時點解會玩得咁開心..仲要玩足几日几夜tim...
到出黎工作後...雖則年年又係好平淡咁樣過..以前仲例牌一定要返night shift tim...但總之都係特別喜愛中秋節啦~

.....突然口up up 哼起鄧麗君既<但願人長久> tim, 不過係王菲版呀...music 唔該~^o^~




<<但願人長久>>

明月幾時有...　把酒問青天...
不知天上宮闕...　今夕是何年..
我欲乘風歸去...　唯恐瓊樓玉宇...
高處不勝寒... 起舞弄清影... 何似在人間.......
轉朱閣.. 低綺戶..　照.無眠..
不應有恨... 何事長向別時圓...（月時圓）
人有悲歡離合...　月有陰晴圓缺...
此事古難全...　但願人長久...　千里共嬋娟........