祝你生日快樂
10月29號就係小女子既生日, 終於第一次俾人叫我做"中女"喇~~!!
蛇哥, 我記住你~~!!!!!!!!!!!!!!!
同朱朱一起身就梗係諗住要醫肚啦!! 不期然我地兩個都諗不如去觀塘apm食mos burger啦!出發!!!
一去到foodcourt己經差不多兩點九個字, 見到mos burger個counter都係得几個人排隊咋喎,諗住得米!!慢慢去睇吓個menu有乜好野食先....施施然行去counter度想買野食, 俾個四眼肥仔好有禮貌地"盤"我:[小姐, 想買野食呀? mos burger己經兩點半截止排隊喇, 四點開始再排過啦!!] 我地兩個真係登時企喺度,唔識郁...........想食個包啫..唔駛咁呀.....我地最後商量左兩分鐘....決定..........等!!
我地由三點左右坐喺foodcourt呆等到三點九個字度, 發覺唔對路,開始有人龍勒!!朱朱二話不說就衝左出去開始左佢既長征.......我就繼續坐喺度霸住個靚位, 遙望住朱朱期待幫我買包既身影.....好sweet啊........呵~呵~呵~!!!
經過漫長既等待, 卒之四點半才開始售票, 我地最後買左個mos cheese burger 餐(餐飲竟然有得跟菜湯, 正~個菜湯亦非一般馬虎之作!)同埋另加香港限定既帶子天婦羅rice burger, 個包係好軟熟既, rice burger個味亦調教得不錯, 再加上朱朱幫我排左四十五分鐘既感動長龍, 呢餐絶對係誠意之作~~一百分!!! ^o^~~
posted by iriz @ 10/30/2006 11:20:00 下午
15 Comments:
你就幸福啦!我由佢開張果日,排到上星期都未排倒.係咪真係咁好食呀?!
遲d朗豪坊都開,我去果道排過.
其實咬落個包度嗰野並冇"叮"一聲既感覺囉, 但以我地食開既快餐質素黎比較就絶對超班架喇~!!! ^o^~
有冇食過triple o' ? 同triple o 比如何?
我都好想試吓...
阿姐, triple o 好似係八九十蚊既貨式, mos 廿雞咋播....^o^~
有冇攪錯呀你,triple o $39個餐, $29個burger...你有冇食過嫁! out唔out d? 快d叫你個朱朱同你去啦!唉!
哼,好似仲未食mos既你out啲囉,呵呵!!^o^~
呵呵!上個星期六食左啦!係喎仲未話過你知tim. 不過話時話隊就真係未排過囉. 之唔係有人一早排定隊, 買埋嘢食, 搵埋位等我囉!...唔, 都ok好食嘅.但係要我排成粒鐘...就唔會囉...呵呵呵!^0^ ^0^ ^0^
唉..呢啲野叫賓賓做都得啦~
就係兩口子一齊排先至係情趣黎家嘛...
隻姐,你啲"情趣"呢??收埋喺櫃桶底呀?
呵呵呵呵!
^o^o^o^o^o^o^o^o^o^o^o^o^o^o^o^o^o^
(抝足五日都要同你抝, 吹咩?) \^o^/
兩口子好多有情趣嘅嘢可以做...你地唔係冇到要去玩排隊呀?!唉!!
慘得過有人爭住要自己親自排, 呢d叫誠意. 有人仲話下次再排過. 你都真係吹佢唔脹. 呵呵呵呵呵!呵呵呵呵呵!
^o^o^o^o^o^o^o^o^o^o^o^o^o^o^o^o^o^
兩口子好多有情趣嘅嘢可以做...你地唔係冇到要去玩排隊呀?!唉!!
慘得過有人爭住要自己親自排, 呢d叫誠意. 有人仲話下次再排過. 你都真係吹佢唔脹. 呵呵呵呵呵!呵呵呵呵呵!
^o^o^o^o^o^o^o^o^o^o^o^o^o^o^o^o^o^
哎丫!!喺我地頭咁"呀咋"!!!?? 係咪"聽"打呀!!?????
阿cheap, 我戥你唔抵囉, 俾人係自己地方羅彩... 唔駛驚呀, 我撐你架, 你兩個一齊去share呢條龍sweet好多囉.... v^0^v
嘩!開個blog但係唔俾人自由咁發表意見!好黑暗呀!
係喇...全世界最sweet係你地兩口子喇.咁下次你地兩個sweet sweet咁幫我地排埋喇喎...俾埋d情趣你地喇...明益你啦!呵呵!!
你兩條粉皮嘈足幾日都仲唔收檔,晒命晒到癲....難為我地呢d要人排無人排, 要一齊排都無人一齊排, 你地兩條友分明想我幫你地拆骨煎皮, 你知唔知我咩世家出身呀??!!
哈哈,真係想睇吓阿牛耍套"郭家拳"過我地睇吓!! ^o^~
發佈留言
<< Home